6 diferencoj inter Angla kaj Esperanta blogo

Mi havas du blogojn, unu estas anglalingve kaj la dua estas esperante. Tiu estas interesa sperto kaj montras interesajn diferencojn inter la du lingvoj kaj siaj komunumoj. Oni pensus ke la angla blogo estas giganta kompare al la eta Esperanto, sed tiu ne tute veras. Plejparte de blogoj en la mondo estas anglalingve, eĉ se tiu ne estas la denaska lingvo de la aŭtoro. Multaj homoj pensas ke se oni volas legantojn, oni devas verki angle. Estas evitenta uzi la plej granda lingvo de la interreto, ĉu ne?

1. Kvanto de vidoj

Sendube, mia anglalingva blogo (Whistling In The Wind) estas multe pli populara. Ĝi atingis 1,176,509 vidoj entute ĝis la fino de 2016, kvankam mia Esperantlingva blogo (Teo Kaj Libroj) nur ricevis 6,631 vidoj. Tamen tiu ne estas egala komparo ĉar mi blogas angle kvarjare kaj verkis 350 blogerojn, sed mi nur blogas esperante por pli ol unu jaro kaj nur verkis 20 blogerojn

Fakte la plej interesa afero ne estas la diferenco inter la du blogoj sed la simileco. Kelkaj blogeroj aperis en ambaŭ lingvoj kaj nombro da vidoj tre similas. Ofte la artikoloj aperis semajnoj aŭ eĉ monatoj aparte, do la komparo ne tute egalas, sed estas tre interesa ke la eta Esperanto povas konkuri kun la ega angla.

Esperanto	N	N	English
Mia vivo kiel Esperanto-volontulo	722	1119	My life as an Esperanto Volunteer
Ĉu vi volas legi Esperantaĵojn?	333	268	What are the main Esperanto magazines?
Kial ni bezonas la Eŭropan Union	270	360	Why we need the European Union
Kiel mi ateistiĝis	152	250	How I became an Atheist
Mia elspezo estas via enspezo	70	205	The most important lesson of economics

Fakte se oni komparas la unuan jaron de mia esperanta kaj angla blogoj, la diferenco preskaŭ malaperas. En 2012, kiam mi kreis mian anglan blogon, mi ricevis 20,000 vidojn post 130 blogerojn. Tiu averaĝas po 157 vidoj angle kompare al 382 vidoj esperante. Ambaŭ blogoj havas paĝojn je Fejsbuko kaj al mia surprizo, la esperanta blogo estas pli populara kun 315 ŝatoj al 231. Se mi laborus tiel forte je mia esperanta blogo, eble ĝi povus iĝi kiel populara kaj sukcesa. La komenco ĉiam estas la plej malfacila por iu blogo, oni devas forte labori sed ricevi malmulte da vidoj. Mia angla blogo kreskis tiel multe ke mi ricevas multajn vidojn eĉ kiam mi ne verkas, do eble tiu povus okazi esperante se mi kreas reputacion.

2. Komunumo & akiri atenton

Grandan problemon mi havas rilate al mia angla blogo estas kiel kapti okulojn kaj elstari de la amaso de blogoj. Bedaŭrinde blogoj ne estas kiel Jutubo kie oni povas aboni kaj vidi similajn artikolojn. Kiam mi verkas artikolon, ne estas facila diskonigi ĝin, ĝenerale mi devas atendi por la homoj veni al mi. La plejparto de miaj vidoj venas el serĉiloj do mi ne povas promocii tiun. Se mi verkas angle, jam ekzistas miloj kaj miloj da artikoloj pri la temo, do kiel mi povas legigi homojn?

Kontraste, mi preskaŭ havas sekuran legantaron por miaj esperantaj blogeroj. La komunumo estas malgranda kaj helpema do ili legos iun ajn se ĝi estas esperante. Estas esperantaj grupoj ĉe Fejsbuko, Tvitero, Redito kaj Lernu kie ia ajn esperanta blogero estas bonvena. Ne estas multaj esperantaj blogistoj, do estas multe pli facila elstari. Do kvankam la legantaro estas pli malgranda, la konkurso estas eĉ pli malgranda. Fakte mi eĉ estas invitita verki por esperantaj gazetoj pro mia blogo.

3. Tre malsama legantaro

La legantaro de mia angla blogo estas tre koncentrita en tre malgranda grupo de landoj. Ĉirkaŭ duono de miaj legantoj loĝas en Usono (48% en 2016, 52% en 2015) kaj du trionoj en Usono kaj Britio. La kvin ĉefaj landoj (Usono, Britio, Kanado, Aŭstralio kaj Irlando) estas pli ol tri kvaronoj de mia legantaro. Tiu ne estas surprizo sed ĝi tordas la direkton. Blogeroj nur sukcesas se ili aktualas por anglaparolantoj aŭ pli preciza, usonanoj. Eĉ se mi verkus tre interesan kaj gravan blogeron, se usonanoj ne ŝatas, ne sukcesos.

Malsame mia esperanta blogo havas multe pli diversan legantaron. Usono ankoraŭ estas la plej granda lando, sed nur kvarono de la tuto. Ĉi tiu verŝajne estas pro la granda interreta popolo kaj ke mi nur konas anglalingvajn retejojn por diskonigi mian blogon (ekzemple Reddit estas preskaŭ tute usonana sed fejsbuka estas tre diversa). Usono kaj Britio nur estas 31% de mia legantaro kaj eĉ la angla “granda 5” nur estas 37%. La esperanta “granda 5” (Usono, Hispanio, Germanio, Britio kaj Brazilo) nur estas duono de la legantaro, kiu montras multe pli grandan geografian diversecon. Tiu ĉi signifas ke mi ricevas respondojn kaj vidpunktojn el pli granda kaj diversa fonto, kaj aŭdas voĉojn mi neniam antaŭe aŭdis.

Jen tabelon mi kreis por montri la diverseco de mia legantaro (la kalkulo ne egalas al 100%). Interese kelkaj kontinentoj estas koncentritaj en nur unu lando. La afrika legantaro por mia angla blogo devenas ĉefe el Sudafriko kaj la azia parto devenas plejparte el Filipino. La Sudamerika parto de mia esperanta blogo devenas ĉefe el Brazilo.

Kontinento	Angla Blogo	Esperanta Blogo
Nord-Ameriko	57.9%	29.1%
Sud-Ameriko	1.0%	9.0%
Atlantikaj Insuloj	16.6%	7.1%
Eŭropo	9.4%	45.1%
Oceanio	5.4%	2.4%
Azio	6.3%	5.4%
Afriko	1.9%	0.8%

4. Libereco

Mi sentas min pli libera kiam mi verkas esperante. Esperantujo estas multe malpli kritikema ol la anglaro (anglaparolantaj landoj), kaj esperantistoj ĝenerale feliĉas kiam la lingvo estas uzata. Miaj anglaj blogeroj estas multe pli atakitaj, kritikitaj kaj insultitaj. Homoj ofte forpuŝas pro la titolo. Estas kelkaj aferoj mi timas diskuti angle pro negativa reago, sed tiu neniam okazis kun mia esperanta blogo (krom unu fojo). La pli malgranda komunumo de Esperanto fakte helpas min ĉar mi sentas pli komforta kaj povas testi en malgranda loko antaŭ mi sendos ĝin al la tuta mondo.

Mi ankaŭ estas pli libera por diskuti personajn aferojn kaj la fakto ke neniu el miaj amikoj en Irlando komprenas esperanton fakte estas avantaĝo. Mi ne timas ke ili trovos miajn blogerojn do mi povas libere diskuti. Ekzemple, mi verkis blogeron pri mia fi-estro kaj alia pri mia hejmurbo, kiuj kompreneble mi ne volas ke iu trovos aŭ aperos en labor-intervjuo.

5. Viral/Populareco

Kvankam Esperanto havas kelkajn avantaĝojn, la angla havas unu tre grandan avantaĝon. Nur per la angla, mi povas iĝi viral (tre populara). Tiu ja estas malgranda oportuno, sed tiu ne ekzistas esperante. Ĉiam estas ŝanco ke iu diskonigus mian blogon kaj mi ricevos milojn kaj dekmilojn da vidoj. Tiam mi ricevos pli da vidoj en unu tago ol mi kutime en unu monato. En la angla, estas multe pli malfacila elstari, sed se oni sukcesas, la gajno estas multe pli alta.

6. Kontribuo al la kulturo

Por mi, skribi angle ne gravas. Mi ne sentas ian konekton aŭ emocion rilate al la lingvo, ĝi simple estas ilo. Tiu estas verŝajne ĉar mi estas denaskulo kaj irlandano (do “nia lingvo” teknike estas la irlanda, eĉ se ni ne kapablas paroli ĝin) aŭ ĉar milionoj parolas angle do ĝi ne estas speciala. Kiam mi skribas angle, mi ne kontribuas iun, mi ne aldonas. Ĉiu jam estas dirita.

Sed Esperanto estas tre malsama. Ĉiam kiam mi skribas, mi sentas ke mi aktive kontribuas al la kulturo. Ĉiu verkaĵo iomete pliriĉigas kaj pligrandigas la kulturon kaj igas Esperanton iomete pli utila. Mi sentas kvazaŭ ĉiuj blogeroj gravas kaj subtenas la lingvon. Jam sufiĉe da homoj parolas la anglan, ĝi ne bezonas helpon, tial mi ŝatas helpi esperanton.