Kial La Irlandanoj Ne Parolas Irlande

La danoj parolas dane, la francoj france sed la irlandanoj ne parolas irlande, sed angle. Preskaŭ ĉiuj landoj kaj homoj havas sian lingvon, sed la irlandanoj estas unu de malmultaj kiu ne parolas sian propran lingvon. Irlando estas preskaŭ la sola eŭropa lando kie la ĉeflingvo estas fremda lingvo. Fakte, pli da homoj en irlando parolas pole ol irlande. Eksterlanduloj ofte demandas min ĉu eĉ ekzistas irlanda lingvo? Sed kial la irlandanoj ne parolas irlande?

Laŭ la censo de 2011, 1.77 milionoj da homoj en irlando diris ke ili povas paroli irlande, do 41% de la lando. Kvankam tio aspektas impona, ili ne diris kiel bone ili parolas aŭ se ili fakte iam uzas la lingvon. Pli utile, estas la homoj kiuj diris ke ili parolas ĉiutage, nur 77,000 da homoj, malpli ol 2% da la lando. Eĉ ili ankaŭ parolas angle kaj ne ekzistas unulingvuloj de la irlanda.

Teorie, la irlanda estas la oficiala lingvo de la respublika de irlando. Signoj estas dulingve kaj la irlanda estas devigo por ĉiu studento en lernejo. La registaro subtenas la lingvon per kelkaj manieroj per radiaj kaj televidaj kanaloj en la irlanda lingvo. Sed vere, la angla estas la lingvo de irlando. Ĉiu irlandano flue parolas la anglan. Estas la lingvo de televido, radio, ĝazetoj, laboro kaj vendejoj. Preskaŭ ĉiuj laboroj estas faritaj per la angla lingvo. Politikistoj kutime uzas unu aŭ du frazojn de la irlanda sed rapide ŝanĝas al la angla aŭ neniu komprenus. Plejparte en la lando, la irlanda estas parolita nur en la lernejo.

Kio okazis? Dum la plejparto de la historio de Irlando, la lando estis kolonio de britio. La lingvo ekmalgrandiĝas post 1600, kiam la lastaj irlandaj tribestroj malvenkis. Sen ili, la lingvo ne havas iun por subteni ĝin. Kvankam la lingvo neniam estis malpermesita, la angla iĝis la ĉeflingvo de la registaro kaj oficiala vivo. La angla estis plej forta en la oriento kaj la irlanda estis plej forta en la okcidento. En 1800, la du lingvoj havis pli aŭ malpli la saman forton.

Du grandaj okazoj ŝanĝis tion. La unua estis la Granda Malsatego (1845-50) kiam ĉirkaŭ unu miliono da homoj mortis kaj alia miliono eksterlandiris (de ok miliono da homoj). La malsatego estis plej malbone en la okcidento kie la irlanda estis parolita. Post tiam, elmigrado estis tre kutima kaj grandega nombro da homoj foriris la landon. Ili ĉefe iris al britio, usono kaj anglaparolantaj landoj, kie ili bezonis la anglan, sed ne la irlandan. Do gepatroj instruis la anglan al ilia infanoj anstataŭ la irlandan. Oni bezonis la anglan, ne la irlandan, por labori.

La dua okazo estis publika edukado. Ekde la 1830aj jaroj, lernejoj estis fonditaj tra la lando por eduki la homojn angle. Kvankam la instruistoj ne povas haltigi gepatrojn uzi la irlandan hejme, ili malsubtenis ĝin. La irlanda priskribis kiel lingvaĉo por kamparanaĉoj kaj la angla kiel lingvo de riĉoj kaj inteligentuloj. Malriĉaj terpomfarmistoj parolis irlande kaj riĉuloj parolis angle. La angla iĝis la lingvo de la urboj kaj la irlanda retiriĝis al izolitaj malproksimejoj.

Eĉ post la sendependeco en 1922, la lingvo daŭre malgrandiĝis. La nova irlanda ŝtato estis malriĉa kaj homoj daŭris elmirgi al landoj kie ili bezonis la anglan. Malgraŭ la subteno de la ŝtato, tro da damaĝo okazis. La plejparto da homoj parolis angle, do kial oni bezonas la irlandan? La angla estis la lingvo de libroj, televido kaj laboro, kaj la irlanda estis tro malgranda por havi multe da uzado. Gepatroj instruis la anglan al siaj infanoj ĉar ĝi estis la lingvo kiun la plejparto da homoj parolis, kio kaŭzis pli homoj lerni ĝin ktp. Malpli da homoj lernis la irlandan, do malpli homoj uzis ĝin, do malpli da homoj lernis ĝin.

Multe da homoj pensas ke la cerbo nur havas spacon por unu lingvo kaj se oni instruas du lingovojn al infanoj ili konfuziĝos kaj havus malaltan nivelon en la lingvo. Do multaj pensis ke oni ne povas havi la irlandan kaj la anglan sed nur la irlandan  la anglan. Multe da homoj vere kredas ke ili ne povas lerni duan lingvon kaj oni ofte aŭdas irlandanoj diras ke “irlandanoj ne povas lerni aliajn lingvojn”. Tio ne estas vera, sed eĉ nuntempe multaj ankoraŭ pensas tion, kaj ne instruas lingvon eĉ se ili povas.

Oni ofte kulpigas la lernejojn ĉar eĉ post dek kvin jarojn de studado, homoj ankoraŭ ne povas paroli irlande. Tiu estas iom vere, kaj instruistoj faras multe da laboro instruante gramatikon, kaj malmulte parolante. Do multaj da studentoj povas skribi longan tezon irlande, sed ne povas paroli mallongan konversacion irlande. Tamen, estas tro facile kulpigi la lernejojn, ili ne estas la problemo, estas ke la irlanda ne estas uzita ekster la lernejoj. Homoj ne lernas lingvojn se ili ne povas uzi ilin aŭ ne vidas iu valoron. Irlandanoj traktas la lingvon kiel antikvaĵon, ni admiras kaj valoras ĝin, sed ne uzas ĝin kvazaŭ ni timas ni rompus ĝin.

Multaj vidas irlandan kiel maljunulan lingvon, kiel relikvo de pratempo kiun niaj praavoj uzis kaj apatenas en muzeo. Kiam oni pensas pri la lingvo, oni pripensas cent jarojn antaŭe, ne pri moderna vivo. Multaj kunigas la irlandan kun malriĉeco, malfacileco kaj malfeliĉo. Iuj plendas pri la monon elspezita je la lingvo kaj pensas ke la mono estas forĵetita je morta lingvo kiun neniu parolas.

Multe da neirlandanoj verŝajne pensas ke estas domaĝo se ni perdus nian kulturaĵon. Sed kvankam la irlanda estas fremda kaj ekzotika al eksterlandulo, al irlandano estas normala, eĉ malinteresa. Imagu se iu irus al usono kaj ekscitiĝus vidi McDonalds. Irlandanoj estas familiara kun la lingvo kaj premisas ĝin. Ili pensas ke la nuntempe stato estas normala kaj ne ŝanĝiĝos.

Irlandanoj havas kontraŭdiran senton al la irlanda lingvo. Ĉiuj laŭdas la lingvon kiel grava parto de nia kulturo. Sed aliaflanke, malmultaj volas labori por uzi kaj subteni la lingvon. Ni malamas la ideon ke ni povus perdi la lingvon, sed ne volas klopodi por savi ĝin. Havi alian lingvon estas laboro, kaj por multaj simple estas pli facile uzi la anglan. Kion nur unu homo povas fari? Do la irlanda daŭriĝos forpaliĝi . . .

(Dankon al Sassie Es kaj David Mamsch kiu korektis miajn erarojn.)

Advertisements

12 pensoj pri “Kial La Irlandanoj Ne Parolas Irlande

  1. Interesa artikolo. Mi legis multon pri la irlanda, sed neniam io de irlandano. Vere estas bedaŭrinde ke la lingvo estas malaperanta pro malbona instruado kaj neintereso. Tamen mi legis ke ekzistas pli bonaj lernejoj irlandlingvaj: gaelscoil-oj kaj ke ili iĝas pli kaj pli populara, precipe ĉe mezklasaj urbanoj. Ĉu tio veras?

    Like

Respondi

Fill in your details below or click an icon to log in:

WordPress.com Logo

You are commenting using your WordPress.com account. Log Out / Ŝanĝi )

Twitter picture

You are commenting using your Twitter account. Log Out / Ŝanĝi )

Facebook photo

You are commenting using your Facebook account. Log Out / Ŝanĝi )

Google+ photo

You are commenting using your Google+ account. Log Out / Ŝanĝi )

Connecting to %s